इयक बर इयक सियेर अपणा बाळकन के गेल इयक जंगल में रहकरो हो। सियेर जंगल को राजा हो। इयक दिन जंगल में डांकू आगा। डांकू जंगल का ढ्वोरन्ने पकड़णो चहारा हा। सियेर ने डांकू ने हमलो कर दियो। हमला में घणाई ढ्वोर मरगा। नुकनी सियेर ने रोण की अवाज सुणी। सियेर ने जाकेनी द्येखो तो वाने हून इयक लोमड़ी को बच्चो द्येखो। वाका मां-बाप हमला में ख्वोगा हा। सियेर वा लोमड़ी का बच्चा हअ ल्येकेनी अपणी घुपा में आगो। सियेर को कुणबो लोमड़ी का बच्चा हअ द्येखकेनी खुसी ह्वोगा। सियेरणी, लोमड़ी का बच्चा सू खूब प्यार करकरी ही। इयक दिन लोमड़ी को बच्चो खूब रोयो। तो सियेर ने बूझी अक तू कांइलू रोरो हअ। लोमड़ी का बच्चा ने कही अक म्वोहे मां-बाप याद आरा हां। सियेर ने लोमड़ी का बच्चा सू कही अक हम त्येरा मां-बाप हअ ढूंड ल्येवंगा। सियेर लोमड़ी का बच्चा हअ अपणे गेल ल्येकेनी वाका मां-बाप हअ ढूंडण लू चलोगो। चलते-चलते वन्ने रस्ता में लोमड़ी का मां-बाप मिलगा। लोमड़ी का बच्चा ने अपणा मां-बाप पिछाण लिया ओर भगकेनी वनके पिय चलोगो। लोमड़ी का बच्चा ने सियेर को सुकरानो करो। सियेर बी बहोत खुसी हो लोमड़ी का बच्चा का मां-बाप हअ मिलण पे।
सीक-हमने इयक-दूसरा की मदत करणी चहिये।
- तरक लिखणलू