हमारो सुपनो:-
- यू हअ अक हम म्येवाती हअ ब्वोलण्या अपणी म्येवाती की कदर जाणा हां ओर अपणी सनसकिरती हअ इयक सात बणाई राखा हां।
- यू हअ अक हम म्येवाती समुदाय का माणस फकर सू म्येवाती हअ ब्वोलण में इस्तेमाल करा हां।
- यू हअ अक हम हम अपणी म्येवाती हअ अपणी खास पिछाण ओर ब्वोलण का तरीका की तरे पिछाणण की दिसा में इमानदारी सू काम करा हां।
- यू हअ अक हम हम अपणा बाळकन लू अपणी म्येवाती की परंपरा ओर होंसला के गेल पार करा हां, जब हम याहे पावा हां तो याहे घणी मजपूत बणावा हां।
हमारो मकसद:-
या वेबसाइट हअ हमारो बणाण को मकसद:-
- जहांन ओर जब तक आसान ह्वोवे, म्येवाती हअ घणी इस्तेमाल करां।
- म्येवाती में घणा साहित्य विकसित ओर खुला तोर सू बंदेज कराणो।
- समुदाय के भीतर ओर बाहर अपणी म्येवाती ओर याहे ब्वोलण्यान लू हामी भरवाणो।
- म्येवाती में गीत,कहाणी, मुहावरा, अच्छा बिचार,नजम, ओडियो ओर बिडियो रिकोडिंग समेत घणा साहित्य बणाण के मारे हमारा समुदाय को होंसलो अफजाई करां।
- कमप्वोटर ओर मोबाइलन में म्येवाती का इस्तेमाल हअ बढाणो।
म्वोल:-
यू वेबसाइट अपणा ऊंचा मुकाम पे नीचे लिखा म्वोलन्ने राखणो चहावे हअ:-
- समुदाय की इयकता पहला म्वोलन मेंसू इयक हअ। जाहे या वेबसाइट का इस्तेमाल करण्यान्ने महसूस करणो चहिये।ल्येख ओर संचार जो बांटा हां, या वेबसाइट पे ख्येल लगाण को कुछ बी ना ग्येरो जासे।राजनीति ओर धरमन का ल्येख पूरा तरीका सू टाळा जांगा।
- यू वेबसाइट हर इस्तेमाल करण्या लू न्याव, बिना पकस, इकसार रहण की कोसिस करे हअ।
- यू वेबसाइट सच के गेल खड़ो ह्वोण की कोसिस करे हअ, जित्येक या वेबसाइट पे ग्येरो गयो मसालो हअ सिरप वही ब्वोलण हअ जो असल हअ।
सू बढावो (पदोन्नत) निरमाण सोसायटी:-
निरमाण सोसायटी अलग-अलग सनसकिरतीन्ने दुबारा ओर सदा लू जिंदो राखण का मकसद सू बणी ही। यन सनसकिरतीन्ने जाण्यान की तरे जाणो जाकरो हो। आगे की पढाईने यू महसूस करो अक उनमें सू हरेक की अपणी इयक अलग पिछाण ओर इतहास हअ। निरमाण ने कई एसी सनसकिरतीन ओर समुदायन के गेले काम करण को जिम्मो उठायो, जिनमेंसू घणी गतिबिधीन्ने कररा हां।
(क) म्येवाती सू अनपड़न की पढाई-लिखाई हअ बढाणो।
(ख) वनकी सनसकिरती में साहित्य को बिकास करणो।
(ग) वनकी सनसकिरती में इयक सबदकोस बणाणो।
ऊपर लिखी लिसट में, निरमाण ने अब ज्वोड़ो, या वेबसाइट हअ बढावो द्येण लू म्येवाती ब्वोलण्यान्ने सिकाया।
परिचय:-
यू वेबसाइट खासतोर सू म्येवाती का ब्वोलण्यान का इस्तेमाल लू हअ। सब ब्वोलणयान लू हअ। सब म्येवाती ब्वोलण्यान सू अलग-अलग तरे का ल्येखन में मदत करण की कही जावे हअ-कहाणी, गीत, मुहावरा, कहावत, अच्छा बिचार ओर नजम। दूसरा ब्वोलण्यान सू ग्येरी गई सानगरी सिरप म्येवाती में ह्वोवेगी। ये सामगरी संसकिरती, समाजिक ओर ब्वोली म्येवाती समुदाय का सिपारस की वजे ह्वोवां।
जब ओर जेसे आसान ह्वोवे, चुणा ल्येखन्ने दूसरी सनसकिरतीन में तरजुमो करो जा सके हअ। तरजुमो करण्यान की हाजरी सू दूसरी सनसकिरती में उपलबद करो जा सके हअ।
वेबसाइट की पहल:-
- मालकपण :-हम म्येवाती समुदाय ओर सनसकिरती का मालक हां। हम सनसकिरती का मांस्टर हां ओर काई बी बाहर का माणस सू अच्छी म्येवाती ब्वोला हां। ओर वेबसाइट को पूरो मालकपण पूरा म्येवाती समुदाय को ह्वोवेगो।
- कमेंठी:-म्येवाती ब्वोलणयान की इयक कमेंठी वेबसाइट में नई सामगरी ज्वोड़ण लू सामल ह्वोवेगी। वे वेबसाइट हअ बणाई राखण ओर याका रख-रखाव को फेसलो ल्येण में जिम्मेदार रहेंगा।
- सामगरी परदान करां सिरप म्येवाती ब्वोलण्या माणस म्येवाती में ल्येख, कहाणी, गीत, मुहावरा, नजम लिख सका हां। हम म्येवाती ब्वोलण्यान की तरे सामगरीन्ने बणाण ओर वेबसाइट पे ग्येरण में इयक सात मिलकेनी काम करंगा। सनसकिरती सू लिखण्यान्ने पिछाणो जावेगो, इनाम दियो जावेगो ओर वनका ओहदा में तरक्की करी जावेगी। अक हम घणी सामगरी को योगदान द्येता रहवा हां।
- चुणा मदत करण्या ब्वोलण लू सामगरी,सुजाव द्येण लू, वेबसाइट पे नाम, पतो, मोबाइल लम्बर ओर ईमेल आईडी जेसी सामगरी लू चुणो ह्वोणो चहिये।ए एसी सब जाणकारीन्ने द्येण्या को नाम गुपत राखो जावेगो ओर कदी बी काइलू ना बतायो जावेगो।
- सुजाव म्येवाती ब्वोलण्या मोजूद सामगरी में बदलाव को सुजाव द्ये सका हां, लेआऊट या वेबसाइट का बारा में क्वोई बी सुजाव द्ये सका हां। जासू हर आण्या लू यू इयक सुक को अनुभव बण सके।
