ल्येख ग्येरण को तोर-तरीको
(अ). ल्येख का परकार
या वेबसाइट लू अपणा ल्येख तय्यार करण लू ओर वामें मदत करण के मारे कई तरीका दिया गया हां
1.सनसकिरती तरीका सू खास: या वेबसाइट पे सब ल्येख म्येवाती समुदाय, हमारी सनसकिरती ओर म्येवाती में ह्वोणा चहियां। एसा ल्येख जो सनसकिरती ओर सामाजिक म्येवाती समुदाय लू सिपारस को काम ना हां तो वन्ने वेबसाइट पे ना ग्येरो जासे।
2. बांटण्या ल्येख: हर समांज में घणाई द्येखण्या ह्वोवा हां ओर बांटण लू न्येतापणो करा हां, ओर माणसन्ने इयकसात ल्येकेनी ना चला हां। या वेबसाइट को मकसद सारा म्येवाती समुदाय हअ इयक सात लाणो हअ। उधारण लू राजनीती ओर धरम माणसन्ने बांट ना सकां। या मारे यू ते करां:
(a) या वेबसाइट पे ग्यरा गया सब ल्येख बिना राजनीती का ह्वोणा चहियां। वन सब ल्येखन सू बचां जो इयक राजनीती वाळा ओर दूसरा ल्येवा हां।
(b) या वेबसाइट पे ग्यरा गया सब ल्येख बिना धरम का ह्वोणा चहियां। वन सब ल्येखन सू बचाम जो काई खास धरम या काई खास की सिपारस करा हां।
3. निरमाण सोसायटी का सुपना, मकसद ओर खास म्वोलन के गेले मिलाण
म्येवाती में वेबसाइट को बिकास निरमाण सोसायटी की इयक पहल हअ जो
म्येवाती समुदाय ओर वाकी सनसकिरती की तरक्की लू काम करे हअ। यू बात अहम हअ अक यू वेबसाइट निरमाण सोसायटी का म्वोल ओर मकसद लू अळबी ना हअ। वनकी वेबसाइट पे निरमाण का विजन, मकसद ओर खास म्वोलन को जिकर करो गयो हअ।
4. ल्येख को परकार: या वेबसाइट पे परोताहित करा जाण्या ल्येखन को परकार, बंधा ना हां, नीचे लिखा गया हां:
a समुदाय, वनकी सनसकिरती, उनका धरम, माणसन को इतहास,छेतर को नकसो,सनसकिरती का फ्वोटू,सबदकोस, कहाणी, कहावत, नजम, गीत, अच्छा बिचार।
b सिरकारी या पराइवेट करणीन की जाणकारी जो समुदाय लू फायदा की चीज हअ।
c निरमाण की करणी की जाणकारी जेसे अपणी सनसकिरती में लिखाई-पढाई, सनसकिरती को बिकास, ख्येती।
d वन करणी का बारा में जाणकारी जो समुदाय लू फायदा की बात हां, वेबसाइट पे ज्वोड़ण लू स्वोची जा सका हां।
e अपणी सनसकिरती की छपाई जो सोसल मीडया। ओनलेन परकासन हअ परकासन करण्या अपनाणो पड़ेगो, अगर क्वोई ह्वोवे तो।
f समुदाय, सनसकिरती का बारा में मेवाती ओर दूसरी सनसकिरती का बारा में।
g अपणी सनसकिरती या काई दूसरी सनसकिरतीन का वेबसाइटन का लिंक जहान समुदाय, सनसकिरती, छेतरन का बारा में खास जाणकारी हअ।
(ब). वेबसाइट पे ग्येरणो
या वेबसाइट पे क्वोई बी ल्येख ग्येरण सू पहले नीचे लिखी बातन को ध्यान राखणो चहिय:
या वेबसाइट पे कुछ बी ल्येख ग्येरण सू पहले इयक इस्तेमाल करण्या को (इयक ईमेल आईडी या मोबाईल लम्बर) रजिस्टर ह्वोवेगो।
या वेबसाइट को ल्येख मूल ह्वोणो चहिये।(काई कापीराइट उल्लंघन की इजाजत ना हअ)
वेबसाइट पे गिरो हर ल्येख संपादक की परख सू गिरेगो ओर इस्तेमाल करण्या हअ जरूरी बलदाव करण कू तय्यार रहणो हअ।
ल्येख जांचण्या हअ द्येखण सू पाछे वेबसाइट पे गिरेगो। अगर जांचण्या ल्येख हअ नामंजूर करे हअ तो इस्तेमाल करण्या लू खबर दी जावेगी। अपर सम्पादक की टीम को फेसलो आखरी ह्वोवेगो।
सम्पादक की टीम ल्येख परस्तुत ह्वोण सू पाछे अपरकासित करण को हक राखे हअ, अगर मुस्कल ओर क्वोई दावा हअ तो।
(स). परकिरया
या वेबसाइट पे ग्येरा गया सब ल्येख सब अनुमोदन की परकिरया सू गुजरंगा। परसनसकरण का तीन चरण करा जावंगा जो नीचे दिया गया:-
1. सामगरी समनवयक सू अनुमोदन:- सामगरी समनवयक इयक मेवाती ब्वोलण्या ह्वोवेगो जो समुदाय की सनसकिरती, इतहास हअ च्वोखी तरे जाणतो ह्वोवे। सामगरी समनवयक लू ल्येख, वाको म्वोल मिलेगो ओर वनकी जांच करेगो। सामगरी समनवयक काई एसा माणस की बी मदत करेगो, जाहे नया ल्येख को बिकसित करण में मदत की जरूरत हअ।
2. वेबसाइट को बणाण्या सू अनुमोदन:- वेबसाइट बणाण्या म्येवाती हअ ब्वोलण्या घणाई माणसने सू गेल सला करेगो ओर फिर ल्येख हअ अनुमोदित या अपणाएगो। यालू मंजूरी मिलण सू पाछे वेबसाइट पे ग्येरो जावेगो। अगर नामंजूर करो जावे हअ तो याहे वेबसाइट पेसू हटा दियो जावेगो।
3. वेबसाइट का मनीजर सू ल्येख ग्येरणो:- सब ल्येखन की जांचण लू वेबसाइट को मनीजर जिम्मेदार रहवे हअ। जब वेबसाइट को मनीजर अनुमोदन करे हअ तो ल्येख समुदाय लू दिखायो जावेगो। सिरप इयक मंजूर ल्येख वेबसाइट पे ग्येरो जावेगो दूसरा ल्येख वेबसाइट सू हटा दिया जावंगा।
